Dagný Brynjars: Kannski þurfum við fleiri atvinnumenn


„Þetta voru hrikaleg vonbrigði, við ætluðum okkur sigur í dag en Austurríki rasskellti okkur algjörlega í dag og þær áttu öll stigin skilið,“ sagði Dagný Brynjarsdóttir, miðjumaður íslenska liðsins eftir 3-0 tap gegn Austurríki í kvöld.

Það vorur þær Sarah Zadrazil, Nina Burger og Stefanie Enzinger sem skoruðu mörk austurríska liðsins í leiknum en íslenska liðið var í vandræðum með að skapa sér marktækifæri í kvöld.

„Ég hef engin svör akkúrat núna. Við vissum hvernig þær myndi spila og við náðum ekki að nýta okkur það. Ég þarf að horfa á þetta aftur til þess að svara þessu.“

„Ég var tilbúin en auðvitað vill maður alltaf spila betur. Við fengum ekki stig útúr neinum leik en svona eftirá þá fannst mér við gefa allt í verkefnið og við skildum allt eftir úti á vellinum.“

Viðtalið í heild sinni má sjá hér fyrir ofan og neðan.


desktop