Helgi Kolviðs: Það var mjög erfitt að leikgreina Indónesíu


„Þetta leggst bara mjög vel í okkur, þetta var langt flug hingað en þetta er bara mjög spennandi verkefni,“ sagði Helgi Kolviðsson, aðstoðarþjálfari íslenska landsliðsins í Indónesíu í dag.

Ísland mætir Indónesíu í vináttuleikjum á morgun klukkan 11:30 að íslenskum tíma og svo aftur á sunnudaginn en margar af stærstu stjörnum íslenska liðsins eru ekki með í verkefninu og því fá óreyndari menn tækifæri í leikjunum tveimur.

„Þetta var langt ferðalag og við tókum smá endurhæfingu í gær og menn fengu að jafna sig aðeins. Það er mikill hiti hérna þannig að æfingin var aðeins öðruvísi en strákarnir eiga að venjast en það stóðu sig allir vel í dag og gáfu allt í þetta.“

„Það var mjög erfitt að leikgreina liðið fyrir þetta verkefni. Það eru einhverjir fimmtíu leikmenn sem komu til greina. Þeir eru með þjálfara sem hefur aldrei þjálfað þá alla saman og leikmenn sem hafa aldrei spilað saman heldur þannig að þetta var ekki þessi hefðbundna leikgreining í þetta skiptið,“ sagði Helgi m.a.

Viðtalið í heild sinni má sjá hér fyrir ofan og neðan.


desktop