Claudio Ranieri er þjálfari ársins hjá FIFA

Nú í kvöld fer fram formlega verðlaunaafhending FIFA þar sem að besti leikmaður ársins 2016 verður verðlaunaður.

Baráttan er á milli þeirra Lionel Messi, sóknarmanns Barcelona og Cristiano Ronaldo, sóknarmanns Real Madrid.

Flestir reikna með því að Ronaldo hreppi verðlaunin en þá verður knattspyrnukona ársins einnig verðlaunuð, sem og lið ársins og þjálfari ársins.

Claudio Ranieri, stjóri Leicester City var valinn þjálfari ársins en hann stýrði liðinu til sigurs í ensku úrvalsdeildinni á síðustu leiktíð.

Ásamt Ranieri voru þeir Zinedine Zidane, stjóri Real Madrid og Fernando Santos, þjálfari portúgalska landsliðsins einnig tilnefndir en þeir náðu líka frábærum árangri á árinu.


[dc_social_feed id="124"]
desktop