Heimir: Veðrið þvingaði okkur til þess að spila eins og við áttum að spila í fyrri hálfleik

„Þeir gáfu okkur mikinn tíma á boltanum í fyrri hálfleik og menn voru að taka of margar snertingar þannig að þetta var ólíkt þeim stíl sem við viljum spila þannig að við vorum ekkert sérlega glaðir með það sem við vorum að gera,“ sagði Heimir Hallgrímsson, þjálfari íslenska landsliðsins eftir 6-0 sigur liðsins á Indónesíu í dag.

Það voru þeir Andri Rúnar Bjarnson, Kjartan Finnbogason, Óttar Magnús Karlsson, Tryggvi Hrafn Haraldsson, Hjörtur Hermannsson og Hólmar Örn Eyjólfsson sem skoruðu mörk Ísland í dag en mikil rigning setti svip sinn á seinni hálfleikinn.

„Veðrið og rigningin setti mikinn svip á seinni hállfeikinn en þegar að við fórum að koma boltanum inní teiginn þá fóru hlutirnar að ganga betur hjá okkur. Fótboltinn var ekki upp á marga fiska sökum veðurs í síðari hálfleik en þrátt fyrir það tókst okkur að skora nokkur góð mörk.“

„Við urðum að breyta til út af veðrinu og það mætti kannski segja að það hafi þvingað okkur til þess að spila í síðari hálfleik eins og við áttum að gera í þeim fyrri,“ sagði Heimir m.a.

Viðtalið í heild sinni má sjá hér fyrir ofan og neðan.


desktop