Eru þetta næstu stjörnur Íslands? – Listinn í heild

433.is í samstarfi við DV tók saman tíu leikmenn sem gætu orðið næstu stjörnur A-landsliðs karla.

Um er að ræða efnilegustu leikmenn Íslands sem margir eru farnir að kannast við.

Leikmennirnir eru allir á mála hjá erlendu liði og margir hafa verið það í fleiri ár.

Íslenska landsliðinu í karlaknattspyrnu vegnar vel í dag en fram undan gætu verið fleiri spennandi ár enda margir efnilegir og spennandi leikmenn að koma upp.

Í dag eru leikmenn farnir að fara mjög ungir út í atvinnumennsku enda draumur flestra ungra knattspyrnumanna að gera það gott úti í hinum stóra heimi.

Íslensk ungstirni gera það í raun mjög gott á erlendri grundu, margir eru í Hollandi og nokkrir á Englandi auk þess að vera í fleiri löndum.

Þó listinn yfir efnilega knattspyrnumenn á Íslandi sé endalaus fékk DV nokkra góða menn til að fara yfir hvaða leikmenn eiga mesta möguleika á að verða stjörnur í A-landsliðinu á komandi árum.

Erfitt var að setja saman tíu leikmenn en nefndin komst að niðurstöðu á endanum.

Um helgina birtum við öll nöfnin en nú er komið að því að birta listann í heild en hann er hér að neðan.

Albert Guðmundsson – PSV – 19 ára
Það eru ekki mörg ár í það að Albert veðri orðinn lykilmaður hjá íslenska landsliðinu. Slær i gegn í næst efstu deild Hollands með varaliði PSV þessa stundina og ætti að fá tækifæri með aðalliði félagsins innan tíðar. Sóknarsinnaður miðjumaður með gott auga fyrir marki.

Alfons Sampsted – Norrköpping – 18 ára
Bakvörðurinn öflugi sem hefur átt góð tvö tímabil með Breiðabliki í efstu deild á Íslandi er farinn til Svíþjóðar, með góðan hraða og öflugur bæði í vörn og sókn. Framtíðar bakvörður í landsliðinu

Andri Lucas Guðjohnsen – Espanyol – 15 ára
Sonur Eiðs Smára gerir það gott með Espanyol á Spáni og gera menn talsverðar væntingar til hans í framtíðinni. 15 ára gamall er Andri byrjaður að fá tækifæri með U17 ára landsliði Íslands. Virðist hafa sömu útsjónarsemi og pabbi hans hafði en hann leikur yfirleitt sem miðjumaður.

Ágúst Eðvald Hlynsson – Norwich – 16 ára
Ágúst hélt til Englands í upphafi árs en hann hafði fengið smjörþefinn í meistaraflokki hér heima með Breiðabliki. Með góða tækni en er agaður leikmaður. Margir telja hann vera einn okkar efnilegasta leikmann.

Birkir Heimisson – Heerenveen – 17 ára
Varnarsinnaður miðjumaður frá Akureyri, hefur verið að gera fína hluti með unglingaliðum Heerenveen í Hollandi. Ólst upp hjá Þór á Akureyri og vakti athygli fyrir hæfileika sína mjög ungur.

Jón Dagur Þorsteinsson – Fulham – 18 ára
Kantmaðurinn knái úr Kópavoginum lék með HK áður en hann hélt til Englands. hefur gert það mjög gott hjá Fulham og er talið að hann gæti fengið tækifæri með aðalliði félagsins innan tíðar. Hefur mikla útsjónarsemi og frábæra löpp.

Jónatan Ingi Jónsson – AZ Alkmaar – 18 ára
Hægri kantmaðurinn úr Hafnarfirði er góður með báðum löppum og ógnar sífellt með hraða sínum og krafti. FH-ingar telja að þarna sé stjarna sem muni skína skært á næstu árum.

Júlíus Magnússon – Heerenveen – 18 ára
Leikur á miðsvæðinu en Júlíus sem ólst upp í Víkinni getur bæði spilað sem kantmaður og miðjumaður. Hefur vakið talsverða athygli í Hollandi en hjá Heerenveen gera menn miklar væntingar til hans.

Kolbeinn Birgir Finnsson – FC Groningen – 17 ára
Sonur Finns Kolbeinssonar er gríðarlegt efni, sló í gegn hjá Fylki áður en hann hélt. Kraftmikill og duglegur miðjumaður, hefur gæði til að sprengja upp varnir með útsjónarsemi.

Rúnar Alex Rúnarsson – Nordsjælland – 22 ára
Elstur á þessum lista en hann er markvörður sem gerir stöðuna öðruvísi, er byrjaður að spila talsvert i dönsku úrvalsdeildinni og hefur komist í æfingahóp hjá A-landsliðinu. Hefur allt sem til þarf til að vera markvörður í fremst


desktop