KSÍ greiddi Geir 11 milljónir í uppgjör – 30 milljónir í formann og framkvæmdarstjóra

Rekstur KSÍ á árinu 2017 var að mestu leyti í samræmi við samþykkta fjárhagsáætlun. Rekstrartekjur sambandsins á árinu 2017 námu 1.379 mkr. en áætlun gerði ráð fyrir 1.356 mkr.

Rekstrarkostnaður KSÍ var 1.279 mkr. eða um 59 mkr. yfir áætlun. Rekstrarhagnaður ársins fyrir fjármagnsliði og ráðstöfun til aðildarfélaga nam um 101 mkr.

Þá kemur fram að KSÍ hafi greitt Geir Þorsteinssyni 11 milljónir króna í uppgjör. Geir lét af störfum í febrúar árið 2017 en þá tók Guðni Bergsson við.

Laun og bifreiðastyrkur til núverandi formanns námu um 15 m.kr., til framkvæmdastjóra um 15 m.kr. Guðni hóf störf í febrúar og er þvi með talsvert hærri laun en Klara Bjartmarz, framkvæmdarstjóri.

Á árinu ráðstafaði KSÍ 179 mkr. beint til aðildarfélaga vegna styrkja til barna- og unglingastarfs, leyfiskerfis, mannvirkja o.fl.

Eigið fé KSÍ var 539 mkr. í árslok 2017. Rekstur KSÍ er í jafnvægi og fjárhagsstaðan er traust.

Árskýrsla KSÍ er hér


desktop