Voru mistök að hækka bónusa hjá stelpunum? – Vantar fjármuni í að bæta kvennafótboltann

Tómas Þór Þórðarson fréttamaður og útvarpsmaður á X977 velti því fyrir sér hvort peningum hafi verið vel varið þegar bónusgreiðslur kvennalandsliðsins voru hækkaðar.

Á dögunum voru bónusar hjá stelpunum hækkaðir úr 85 þúsund krónur á sigur í 300 þúsund krónur á sigur. Sama og karlalandsliðið fær í dag.

Freyr Alexandersson þjálfari kvennalandsliðsins hélt tölu á málþingi á föstudag og sagði að það vantaði U23 ára landslið kvenna og að nýta þyrfti alla leikadaga fyrir kvennalandsliðið. Hvorugt er í dag.

Tómas Þór velti því fyrir sér hvort peningum væri vel varið með því að hækka bónusa frekar en að bæta kvennafótboltann.

,Ef við horfum í undankeppni HM 2019 sem er í gangi. Rökrétt er að þetta verði fimm sigrar, tvö jafntefli og eitt tap í átta leikjum. Sigrarnir gefa þá 34,5 milljónir í bónusa og jafnteflin 4,6 milljónir. Samtals verða bónusgreiðslurnar 39 milljónir króna. Þetta er að hækka verulega,“ sagði Tómas Þór í útvarpsþætti Fótbolta.net á laugardag.

,,Það er hættulegt að segja að það eigi ekki að hækka bónusreiðslur kvenna, að bónusa eigi ekki að vera jafn háir og karla. Ég er að spá hvort peningunum hafi verið vel varið út frá því sem landsliðsþjálfarinn var að segja, við erum líklega að fara að dragast aftur út miðað við hvað þjóðirnar fyrir aftan okkur eru að setja í þetta. Ef við hefðum tvöfaldað bónusa þeirra, 170 þúsund á sigur og 80 þúsund á jafntefli. Þá hefði verið hægt að spara 15-16 milljónir. Landsliðsverkefni, sjö dagar. Þá er ég að tala um U23 leiki eða aðra ferð fyrir A-landsliðið til að nýta þá daga sem eru. Það kostar um 5 milljónir, ef við hefðum bara tvöfaldað bónusa. Þá eru það þrjú verkefni í sjö daga, það er peningur sem íslenskur kvennafótbolti græðir á. Það fer ekki í vasa leikmanna, kvennalandsliðið er ekki að afla tekjum. Það eru strákarnir sem gera það, það á að setja þá peninga í kvennalandsliðið. Vilja þær ekki nýta þennan pening í að styrkja landsliðið?.“

,,Ég er ekki að segja að þetta sé ekki rétt ákvörðun, ef þeir voru að skuldbinda sig til að greiða 30-50 milljónir í viðbót til kvennalandsliðsins í bónusa. Hefði ekki mátt nota þessar upphæðir í að gera kvennafótboltann betri?.“

,,Það eru minni líkur á að það verði peningur settur í U23 ára lið eða í að nýta dagana til að spila. Freyr hefur bent á hvað er að og hvað þarf að bæta.“

Umræðuna má heyra hér að neðan eftir 49 mínútur.


desktop