Ísland í þriðja styrkleikaflokki þegar dregið verður í riðla

Danska landsliðið verður með á HM í Rússlandi eftir 1-5 sigur á Írlandi í kvöld. Um var að ræða umspil um að komst til Rússlands en liðin gerðu markalaust jafntefli í fyrri leiknum.

Shane Duffy kom Írum yfir snemma leiks en Andreas Christensen jafnaði fyrir gestina. Christian Eriksen tók svo yfir sviðið og setti í þrennu og skaut Dönum áfram. Það var síðan snillingurinn, Nicklas Bendtner sme skoraði úr vítaspyrnu á lokamínútu leiksins.

Þessi magnaði miðjumaður lék sér að Írunum og skaut Dönum á HM. Danir bætast í hóp Svíþjóðar og Íslands sem verða í Rússlandi af Norðurlanda þjóðunum.

Sigur Dana varð til þess að ljóst var að Ísland verður í þriðja styrkleikaflokki þegar dregið verður í riðla.

Danir eru fyrir ofan okkur í styrkleikaflokki og sjá til þess að Ísland verður með tveimur þjóðum sem teljast sterkari en við á HM í Rússlandi.


desktop